漫画好像迪头有点重 - 九九关爱网
漫话漫画 好像迪头有点重 作品创意说明:
受命于徐家德老师“点菜”,要我以入会为题,画一幅漫画,于是我不敢懈怠,当天即兴创作了这个漫画,题为《好像迪头有点重》,现将灵感的由来略写几句,期盼网友们指正,以下请用沪语朗读,。
本人2005年1月加入上海美术家协会,平时协会除了有辰光要为举办美展或大赛召开组稿会议,以及年底定期开一趟年会之外,其他一般呒啥活动,所以还蛮轻松,没啥负担。
“九九”就勿一样了,侬看,网上头像春节前后
格飞机场、十六铺船码头搭火车站。每天日日夜夜、上上下下、里里外外、前前后后、进进出出格人,熙熙攘攘、千千万万,满满当当、交交关关,一年到头一日到夜接踵而至,365天24小时从来呒没休息,呒没拉卷门打烊格日脚,闹猛得勿得了,生意瞎好瞎崭,
进了“九“九九”格力道是足,一般人勿晓得,
九”啥地方会得来介结棍格瘾头,每天一早已经习惯,第一桩事体就是要开开电脑浏览一番:
一、阿有啥新老朋友上门来客来访,要有就马上抽空去回拜,勿要忘记,勿可怠慢,
二、另外,“九九”格交关专家、名家、大家和熟悉的作家、邻家,还有啥勿认得格朋友陌生人家,阿有啥新作品刚刚出炉上市,要快点趁热拜读,要勒没冷忒辰光抓紧看,手脚勿好忒慢,否则只要一息息,眼睛一眨就“下去”寻勿着哉,。各位网友的博文,赛过各家酒馆、酒楼、酒店的小菜, “厨师”手势勿一样,风味自然勿一样,流派尽管勿同,不过只只精彩——有格香,有格鲜,有格辣,有格甜……各种味道真格交关崭,
下头格“众家点评”也实在勿可勿看,因为吃口同样精彩。网友们有格敬献动感花篮、有格捧场做动漫拍手喝彩,可惜我还没学会迪种高超制作技术,只
好羡慕遗憾,望“网”兴叹,
三、看看自家还有啥应景“时鲜货”、箱底“库存货”要发上去……迪眼事体呒没三四个钟头扑下去,要想搞定摆平肯定勿来三,
过去上网,要是实在忙,因为还勒上班,,呒没辰光弄也只好算了,现在参加协会就勿一样哉。迪只位臵好像地处“中内环”,属于闹猛市口地段,大家统统忙得轧进轧出往前头跑,侬一家头立了里厢呆瞪瞪勿动——板定戆忒,想想肯定压力勿是一眼眼。
所以,一个“上海美术家协会”,一个“九九网”博客作家协会,两只篮筐摆了面前,挑起来两头啥地方吃分量,——哈哈,漫画《好像迪头有点重》点子构思,一记头就跳出来。
我想,加入了“九九网”博客作家协会,就意味着肩上有义务要担当一份责任,打个比方,协会会员赛过点像世博会格“志愿者”,要更加主动参与,热情投入,勿管哪能,一句闲话,就是要齐心合力搭大家一道加油,“九九”格明朝一定辉煌灿烂,
董阳光 2011年9月25日