井边仔有一排缺角的石仔墙第二工暗时

井边仔有一排缺角的石仔墙第二工暗时 第26部 井邊仔有一排缺角的石仔牆。第二工暗時，我轉來的時，遠遠著看著小王子 坐佇hit排石牆仔頂。有聽著伊咧講話： “汝哪會記講汝bōe清楚？我敢保證呣是佇即個所在。” 看笵勢(pān-sè)是有儂佇咧的款。紲落去，佫聽小王子講： “喺啦(hē?—la)喺啦，日仔是無呣著啦，不而過確實呣是遮啦…” 我直直行倚(oá)去。猶原無看著啥物仔儂，嘛無聽著別儂的聲。呣佫小王子 soah直透咧講： “…He當然的。汝聽好(thèng-hó) ùi沙地頂的骹印瞭解以早我是ùi是叨位過 來的……汝佇hia聽候(thèng-hāu)我著好—a，下昏暗我會去hia。” 我愈行愈近倚(kūn-oá), 遘kah離石牆仔差不多有二十米遠的時猶原無看著 是啥儂。 小王子停liâm-mi-á，又佫講： “汝he毒液敢有效？汝敢有法度保證時遘(sî—kàu)我bōe艱苦傷久？” 我愈聽愈僥疑，煩惱是呣是出啥物代誌也。我三步做兩行，想beh哢緊知影到底是乜代(mih-tāi)。 “安呢汝會使去—a，我嘛beh落去—a！…”小王子咧講。 我順伊的視線看去，哎喲喂啊！牆仔骹一尾黃蛇仔瘟佇hia，蛇頭nâ懸懸，惡鑿鑿(ok-chha?k-chhak)?面對著小王子。即種黃蛇仔有夠毒，免半分鍾久著聽好 (thèng-hó) tih?儂的性命。 我看一下chhoah chit-?tiô，褲頭的手銃趕緊拔(puih / pe??h)出來，順紲佫衝倚(oá)去。毒蛇現聽著骹步聲，著若像落土的水共款，慢慢仔勼 ùi入去沙空的內底。照講，蛇見儂著驚了後，一定會緊狂走beh 去覕。亦眼前即尾蛇，雖然oân仔有覕，呣佫，看伊咧趖嘛無呣是講偌青狂的款。只是看伊佇 石頭縫內愈鑽愈深，聽會著一陣唦唦唦，若像銅鐵仔的聲音。 我行倚去共小王子攬起來。伊的面地白kah會驚死儂，親像若白紙。 “汝是咧創啥！連蛇汝也佮伊咧交陪！”我將伊hâ佇頷管的頷圍仔tháu— 落來，先用水略仔(lioh-?á)揾澹(tâm)，了後替伊chhoeh鬢邊，順紲佫舀(iú? / ió)寡 仔水互啉。看伊安呢，我本然想beh問伊的話只好佫再吞落。伊共我khok-kho?k?相，雙手勾佇我頷kún仔。我感覺伊的心肝phih- pho?k-?chhái?，好親像是一隻中銃、強強beh khiau去的鳥仔。伊開喙對我講： “我替汝歡喜，汝總算chhōe著汝beh tih?的機件。無偌久了後汝著會當轉厝 嘍…” “汝哪會知？” 我著是beh來kā伊講，飛機我已經修理好a，是我家己一個儂修理的... 伊無回答我。伊講： “我嘛共款，今仔日我著beh轉去a…” 了後，伊變kah誠傷心： “我beh轉厝的路，加真遠…加真thiám…” 我心內真清楚紲落來beh發生的代誌呣是kài普通。我kā伊攬tiâu-tiâu，親像咧攬幼囝(iù-kiá?)安呢攬tiâu-tiâu。呣佫，我 soah感覺伊直直beh沈落去，ùi無底深坑直直沈落去，佫那沈那深，我想beh伸手kā伊揪(giú)，soah任揪也揪bōe著… 伊目睭攏無轉仁，看著遠遠仔的所在，看kah神神。 “我有汝畫beh互我的羊仔、箱仔，猶佫羊喙籠仔…” 伊kán-ná咧微微笑，笑kah真悲。 真久真久，伊的身軀chiah慢慢仔燒lō起來。 “夭壽哦，汝穩當是著青驚也(a)…” 講伊青驚，確實有影。呣佫，伊猶原真鎮靜對我講： “E暗（eng-àm)，我會佫哢驚…” 我soah愈感覺hit層(chân) teh-beh發生的代誌一旦發生是永遠無法度挽回。 想著安呢，我的心頭攏焦冷。即個時陣我chiah知影講：我離bōe開小王子的笑聲；我無法度放伊去。伊的笑聲對我來講，著若像沙漠內的水泉。 “安細兮(án-sè—ê)，我的好兄弟，來啦，佫笑一下啦，汝敢知影，我真想 beh佫聽汝的笑聲…” 不而過，伊soah對我講： “遘E-hng半暝，著整整一年嘍。我hit粒星嘛拄好踅(seh)?遘原底hit個所在，伊的正對中，嘛是舊年我頭一擺踏著地球的所在…” “安細兮，汝是呣是感覺講汝所經過的代誌，比論“蛇的故事啦、約會的代 誌啦、天頂的星啦……”，這一切攏親像是咧陷眠？” 伊照原無回答我的問題。伊只是對我講： “真正要緊的代誌，是互汝看bōe著的…” “He當然…” “可比講有一蕊花，汝真愛，不而過伊生長佇另外一粒星球頂。遘kah暗暝 時，汝若攑頭看天，汝著會感覺誠歡喜、誠快活，bōe輸所有的星，頂懸攏有花，攏咧開花。” “He當然…” “嘛可比是水。因為有加轆，有索仔，汝咧kò水的時，著若像咧奏樂…汝 佫會記得bōe？…這水實在誠甜、誠好啉…” “He當然…” “暗時仔，汝攑頭看天，hoān-sè 看無我hit粒星，因為伊傷細，我嘛無法度 指互汝看。是講，安呢嘛好，只beh汝認為講hiah-ê密密啁啁的天星當中有伊的存在，安呢著好a。hiah-ni?h 儕的星，汝會那來那合意in …in 攏是汝的朋友。噢, tioh?—a，我佫beh送汝一項禮物…” 伊佫開始咧笑。 “啊！安細的，誠好誠好，我著是合意聽汝即款笑聲咯！” “這著是我beh互汝的禮物，…佮hit窟古井水共款。” “汝是講？” “每一個儂對天星的看法攏無共款。對旅行者來講，星是in 的chhōa路客；對普通儂來講，星只不過是一種艷艷爍(iām-iām-sih?)的物件；對學者來講，星是 in beh研究的學問；亦若對我進前拄著的hit個大生理儂來講，星著是財寶。不而 過，所有的星攏bōe曉講話。若汝咧，汝心中hiah- ê星，佮任何儂的星攏無共款…” “汝意思是？” “暗時，汝若攑頭看天，汝著噯會記咧我tòa 佇其中的一粒星，汝若想著我 咧笑，he著表示講所有的星嘛攏咧笑，安呢汝看著的星，著攏總是會笑的星！” 講煞，伊佫開始咧笑。 “安呢，在汝感覺安慰了後(做儂，有時總是會自我安慰)，汝著會因為熟似我即個朋友感覺歡喜。汝是我永遠的朋友，汝若想起我咧笑的情形，汝穩當會來 笑鬥陣。有時仔，汝為著beh互家己會當快樂soah來拍開窗仔門。朋友看汝不管 時眈頭(ta?-thâu)看天kho?k-khok?笑，in 著會感覺真奇怪。Ah汝若共in 講，見擺看天星汝著想beh笑，安呢，儂穩當會共汝當痟兮。汝噯知影，這攏是我咧kā汝創治，互汝teh漏氣…” 小王子咧笑，一直咧笑。 “歹勢啦，是我無才調kā天星扒落來送互汝，才會互汝一大堆會笑、佫會 叫的“玲瓏仔”(lîn-long-á)佮“銀鏹仔”(gîn-giāng-á)…” 小王子那講那笑。尾仔，伊雄雄變kah真嚴肅： “E-hng，汝應該有瞭解…汝呣免佫來也。” “我呣走，我beh tiàm遮陪伴汝。” “我穩當會誠艱苦…艱苦kah若像強beh khiau去的款。著是安呢，汝呣免來， 無必要。” “我呣走。” 伊開始咧煩惱。 “我kā汝講kah chiah儕…攏是因為蛇的幹係。汝呣好去互蛇咬著…蛇實在 真惡質，咬儂攏無分好歹…” “我呣離開汝。” 伊kán-ná小可有哢放心，伊講： “險bōe記得，蛇若咬第二下，已經無毒a…” Hit日暗暝，伊無kā我講伊tī時beh行。伊無講無呾(tà?)，做伊踉蹽。我強beh jiok(追)著伊的時陣，伊猶佫咧拼命走。伊只是對我講： “啊，汝哪會佇遮…” 伊來牽著我的手。我感覺伊是hiah-ni?h 仔苦惱。 “汝呣好安呢啦。無汝會真艱苦。汝著kā我當做死去著好a，雖然這呣是真的…” 我恬恬講bōe出聲。 “路真遠，這汝知影。呣佫，我bōe當拖著即個身命離開，安呢傷過頭重。” 我已經應bōe出喙。 “是講，這只不過是親像儂咧扒樹皮，kā 粗的樹皮扒捒(pak-sak)，普通kah bōe當佫普通，實在無啥通悲傷的。” 我照原無做聲。 伊略仔(lio?h-á)僐僐、無意無意。不過，真緊又佫振作起來。伊講： “He穩當誠趣味，汝應該瞭解。我嘛會佫去看天頂的星。所有的星，攏是 一窟一窟有配加轆的古井；所有的星攏會thîn水互我啉…” 我已經無法度講話。 “這有影kài好sńg！汝想看māi，汝有五億粒玲瓏仔，亦我有五億窟井仔…” 講煞，伊oân仔停誠久無出聲。伊咧吼(háu)。 “遘遮著好a，互我家己一個儂走，好無？” 講是安呢講，伊soah坐落去，伊嘛咧驚。呣過伊猶原是hiah-nih ?屈強： “汝知影…我hit蕊花…我噯對伊負責！莫講(boh-?kóng)伊猶佫hiah-nih ?軟chiá?，hiah-nih ?懵懂！伊身邊只有四支軟弱(nńg-jioh)?的刺仔，想beh靠這來對抗敵人、保護家己…” 我徛kah 擋bōe-tiâu，只好坐落去。伊佫講： “好也，著是安呢也…Beh交代的攏交代了也…” 伊小可考慮liâm-mi-á，了後，雄雄徛起來。我看著伊雙骹伐出去，亦我家己 soah無法度振動。 佇伊骹盤的邊頭，我看著一sut黃色的光，緊緊爍(sih?)一下。雄雄，伊soah變定定，bōe振bōe動。伊無哀，也無吼(háu)，親像一叢樹仔栽慢慢仔車倒佇塗 骹底，呣知是呣是沙地自本有哢軟勢，伊倒落去的時soah無聲無說(bô-sia? bô-seh)。