大话西游之仙履奇缘粤语剧本

少女：（睇四周风景）好靓呀！ （少女嚟到一间农舍，一老伯西喺度挞火嚟点亮一盏油灯，但系挞极唔着） 老伯：（对屋内嘅四位客）各位客官，阻你哋一阵，好快就点着架啦。唔好意思……对唔住。 少女：阿伯，你噉物样点灯点唔着架？净系得啲油，都冇灯芯。 老伯：我都知。但系唔见咗条灯芯，有乜办法？ 少女：买过条啰。 老伯：有道理。姑娘啊！借问一声，假如如来佛祖嗰盏神灯嘅灯芯唔见咗，噉又去边度买呢？ 少女：知你有蛊惑架嘞，现身嗱。 （老伯和四客人现身） 少女：哦，原来系二郎神同埋南天门嘅四大天王。 二郎神：紫霞，你同你姐姐青霞仙子本来系佛祖日月明灯里面卷埋一齐嘅灯芯，你竟然擅自离开天庭，重公开对人话，边个能够将你手上嘅紫青宝剑拉出鞘，就系你嘅如意郎君。 一天王：你系神仙点可以动凡心架，假如畀啲邪魔妖道拔咗把宝剑出嚟，我哋仙界岂不是成为笑柄？ 紫霞：我唔理佢系神仙又好，妖怪又好，把剑只有我同我意中人先拉得开。就算佢系妖怪，我都会一生一意噉跟住佢架啦。如果唔可以同我喜欢嘅人喺埋一齐呀，就算畀个玉皇大帝你做都唔会开心啦。 二郎神：岂有此理，教焉不善，既然你系执迷不悟，今日我就要替天行道，要你喺人间同仙界消失。 紫霞：只羡鸳鸯不羡仙，消失咪消失啰。 二郎神：放肆。 （一番激战，众人不敌紫霞） （四天王欲说话，二郎神一摆手） 二郎神：唔使讲嘞，呢件事边个讲出去我就杀咗佢。 （四天王又欲说话） 二郎神：我都话咗唔准讲啰。 一天王：唔系呀，我想话你知你只啸天犬喺出便骑住只狗乸。 二郎神：连佢都动凡心。好，今晚我就劏咗佢嚟食。 四天王：好呀……我哋四兄弟想咗好耐架啦。 （至尊宝穿梭时空再一次回到洞中，却空无一人。） 至尊宝：晶晶！晶晶！点解会噉架，啲人呢？ （紫霞牵着驴子走来。） 紫霞：神仙呀？ （至尊宝摇头。） 紫霞：妖怪？ （至尊宝不语。） 紫霞：唔该！（牵驴向洞口走去） 至尊宝：哎！盘丝洞唔好乱闯！ 紫霞：盘丝洞？你掐我唔识字呀？“水帘洞”呀。 （至尊宝抬头看时，不禁大惊。） 紫霞：盘丝洞……，吓呢个名又几好听，就叫你做盘丝洞啦。 （手一挥，将“水帘洞”变为“盘丝洞”）好！我就住喺呢一度。 至尊宝：咪住。 （紫霞手一挥，将至尊宝打倒，又将月光宝盒抓在手中。） 紫霞：哎！我而家郑重宣布，喺呢个山头所有嘢都系我嘅，包括你在内。 至尊宝：我？ 紫霞：系呀，好似系骡仔噉，帮你打个印先。 （少女手一挥，至尊宝觉得脚心一痛。） 紫霞：你而家系我嘅人啦，如果有人掐你，你挞我个朵啦。从今日起，我叫盘丝大仙。 至尊宝：盘丝大仙？五百年前？ （脱下鞋，发现脚心多了三颗痣，又拿出照妖镜一看，镜中显出马骝的模样，想起水帘洞中听到的话，不禁瞠目结舌，呆立半晌） 水帘洞中听到嘅话：你未变成孙悟空托世系因为你未遇到畀三粒痣你嘅人。 紫霞：芝麻开门。芝麻闩门。 至尊宝：我唔信！我唔信！我唔信！我唔做马骝，我要返去救晶晶。畀返个宝盒我啊唔该。（对住洞门）芝麻开门。（洞门砸下） 至尊宝：冇理由嘅，我明明听到佢话芝麻开门。（洞门又砸下） 至尊宝（后退一步）：芝麻开门。（门开，至尊宝面露喜色，欲向前，门又一次砸下）喂……茅唔茅啲呀？（至尊宝爬返起身）怕你啦，睇嚟要揾过第二条路入，上山。嗰边…… 紫霞：芝麻开门……（门再次砸下压在至尊宝身上）边个……边个呀？喂……（睇到至尊宝畀扇门压住）使唔使碛到咁散呀？ （至尊宝想闯进洞去，却被洞门砸昏，等醒来时已身在洞中。） 紫霞：好嘢！Yeah……有咗呢个月光宝盒呢，我就唔怕畀青霞姐追杀喇！出来喇！鬼鬼鼠鼠噉，怕丑呀你！ 至尊宝：（恭恭敬敬地走出来）Hi，呢个月光宝盒呢…… 紫霞：我个啰！ 至尊宝：吓？ 紫霞：讲咗架喇，呢度所有嘢都系我架嘛，你想点呀？ 至尊宝：冇……，我听见你话想走，唔知可唔可以带埋我…… 紫霞：你又畀人追杀呀？ 至尊宝：我赶住去救人呀！ 紫霞：救边个呀？ 至尊宝：救我娘子啰！白晶晶吖嘛！你识佢架！ 紫霞：唔识！ 至尊宝：我知！但系你迟啲就识架喇，因为佢会做咗你徒弟吖嘛，重有呢个宝盒…… 紫霞：我架！ 至尊宝：我知！但系其实，系我畀咗你，然之后你再喺嗰个时候畀返我，先至有我返番到嚟家吓呢度畀返你咋嘛。你明唔明啫？ 紫霞：我明呀！你黐线架！ 至尊宝：总之你带埋我走啦。 紫霞：我点解要对你咁好啫？ 至尊宝：噉你系我主人，你走咗我一个人留喺度有咩意思？ 紫霞：系咩？坐吖！地下！手！乖呀吓，一阵呢买过件新衫畀你返去见你娘子哩。吠呀！ 至尊宝：汪！ 紫霞：投入啲啦！ 至尊宝：汪汪！汪汪汪汪汪！汪汪！ （夜晚来临。） 至尊宝：仙子！快啲走啦！个月亮出嚟啦！系时候啦！ 紫霞（青霞）：（走出洞外，一脸寒霜）走去边呀？ 至尊宝：你唔走呀？你唔走畀返个宝盒我，我走呀！ 紫霞：咩宝盒？ 至尊宝：我就唔会再等到听晚架，讲你听。你都快啲啦！重讲！唔系阵间又话个贱人姐姐上嚟迫害你喇！ 少女：贱人！四周围同人讲话我会迫害佢！ 至尊宝：点话……？ 青霞：我就系个贱人嘅家姐，讲我坏话！（一拳将至尊宝击昏） （第二天天亮，至尊宝被紫霞叫醒。） 紫霞：至尊宝！至尊宝呀！你做乜琴晚唔叫醒我呀？ （至尊宝大惊，想溜走。） 紫霞：喂，做咩啫？你行去边啫？企喺度呀！坐低！凳呀！ （至尊宝怕再挨打只好重新坐下。） 紫霞：做咩嘢啫？噉望住我架！你见到啲咩呀？你见到佢呀？哎吖，你见到我家姐呀！佢咁快追到嚟嘅？佢同你讲咗啲咩？你唔好信佢，佢黐线架！可能佢呢前世就斗得好犀利嘅，后来佛祖呢就将我嚟卷埋一齐，成为一条灯芯，噉物谂住要我哋苦练修行化解呢段恩仇嘅，但 系可惜咯，事与愿违，我哋比以前斗得更加厉害。唔好讲啦，走啦走啦。 （至尊宝不动。） 紫霞：你以为我精神分裂呀？ （至尊宝点头。） 紫霞：我冇呀！嗰个真系我家姐嚟架！你唔信我？嚟……！（将自己嘅手与至尊宝嘅手绑埋一起）我哋将我哋嘅手绑埋一齐！今晚你就知。 （夜晚来临，少女似睡非睡。） 至尊宝：睇嚟今晚都唔会有月光。 紫霞：（梦呓般地）系咩？贱人，你走唔出我手指罅嘅。 （至尊宝一惊，见少女脸如寒霜，翻身坐起来。） 至尊宝：贵姓呀？ 青霞：姓林。 至尊宝：原来你就系我大佬讲嗰个林青霞。 青霞：你大佬？ 至尊宝：琴日畀你打嗰条粉肠，叫至尊宝呢。 青霞：噉你呢？ 至尊宝：我系佢孖生细佬至尊玉。 青霞：至尊宝？至尊玉？你想呃我呀？ 至尊宝：嘿嘿，你真系冰雪聪明。其实我大佬嘅真名叫秦汉，我叫秦祥林。 青霞：咁夜喺度做咩呀？ 至尊宝：我……好仰慕你。 青霞：你仰慕我？（将手上的布条一扬） 至尊宝：仰慕何止，简直系怕失去咗你，所以专登将我哋两个绑埋一齐，你接受我对你嘅爱啦。我哋一齐远走高飞哩。 青霞：爱我就付出代价先啦。（又一拳将至尊宝击昏） （第二天早上） 至尊宝：废话唔讲啦，总之你家姐就憎到你非常嘅，我今晚呃佢话我杀咗你，你以后安乐啦。所有我要攞你身上一件信物畀佢睇。噉你有啲咩颈链首饰金银珠宝吖，月光宝盒嗰啲…… 紫霞：好吖，不过嗰啲冇用架。嗱，你今晚攞我把紫青宝剑畀佢睇，佢一定会信到你十足十架。 至尊宝：都好！ （接过宝剑，“嚓”的一声拔出看了看，又插入鞘中） 紫霞：竟然系佢！（一阵欢喜，走上前）喂，趁而家未天黑，带我入市集行吓吖！ （两人来到市集中。） 至尊宝：做咩呀？ 紫霞：嘘！ 至尊宝：做咩啫？ 紫霞：我个心跳得好厉害呀！ 至尊宝：做咩得架？ 紫霞：嚟！ （两人钻进一条小路。这时八戒和沙僧躲在肉铺旁观察他们的行踪。） 沙僧：而家大师兄变咗人样，重同紫霞仙子喺埋一齐，唔通捉师父呢单嘢，紫霞仙子都有份？我哋跟踪佢，唔好打草惊蛇。 八戒：论智慧同武功呢，我不嬲都比大师兄高少少，但系而家多咗个紫霞仙子，恐防佢又高返我少少嘞。 沙僧：呢边有我吖嘛。 八戒：就系因为多咗你呢个负累，佢先至会高我少少！ 一妇女：呢个猪头，切半边畀我吖唔该。 八戒：嚿！猪头唔卖嘅，猪粉肠啦。（妇女畀吓走） （这时在小胡同里） 至尊宝：做咩呀？ 紫霞：我嘅意中人喺附近呀。 至尊宝：系，你见到呀？ 紫霞：唔系，因为我把紫青宝剑发出嘟嘟嘅信号。 至尊宝：边有嘟嘟？ 紫霞：嘟……嘟……嘟……！系咪呀？ 至尊宝：你嘟啫，把剑冇！ 紫霞：哎吖，我就系知你听唔到，所以我咪嘟畀你听啰。死啦！我好惊呀，你信我喇，我真系好惊呀。 至尊宝：惊咩啫？ 紫霞：呢段姻缘系上天安排嘅，你话几惊呢。 至尊宝：又嚟嗱？ 紫霞：系呀，我个心又跳，我把剑又嘟嘞。死啦，我点同佢讲呀？点同佢讲啫？ 至尊宝：照直讲啦，话上天安排咗有单噉嘅姻缘啦。 紫霞：噉如果佢唔钟意，又或者佢有老婆呢？ 至尊宝：奈你唔何架，你依家上天安排系大晒架嘛！ 紫霞：真系？ 至尊宝：噉你上天安排啦已经，重唔大晒咩你家吓？ 紫霞：噉物系，系呀。（等咗一阵）佢嚟咗呀！ 至尊宝：唔系我吖嘛？ 紫霞：系呀！……你点知架？就系你呀！你知唔知呀？我头先唔知点同你讲好呀。你真系聪明呀！ 至尊宝：但系我有老婆架啰。 紫霞：我知！但系我都冇办法架。段姻缘系上天安排大晒架嘛！ 嗱，你而家呢，就唯有撇咗你嗰个老婆，跟我一齐走。 至尊宝：都好。 紫霞：好呀？ 至尊宝：好好添嗱直情。 紫霞：嗱，噉我哋而家开始大家呢段感情啰。 至尊宝：即刻开始吖。 紫霞：噉我哋锡啖先啦。 至尊宝：听见就兴奋啦。 紫霞：嚟呀。 （紫霞硬凑过去，被至尊宝粗暴地一把推开。紫霞快乐的情慢慢变得十分难过。至尊宝也觉得有些过分，脸上显出歉疚的表情。） 至尊宝：吆！ 至尊宝：畀返个宝盒我。 紫霞：你呃我，你根本就唔想锡我。你头先讲嘅嘢全部都呃我嘅！ 至尊宝：我讲真嘅，你畀返个宝盒我先喇。使唔使我攞个心出嚟畀你睇吓啫？ 紫霞：唔使，我自己嚟。 （紫霞使用缩身法钻入至尊宝体内。） 紫霞：哇！乜你个良心，成个椰青噉嘅！ 良心：小姐，无可否认我系样衰。不过，我很丑，但我很温柔，重永远唔会讲大话添。 紫霞：噉你老实话畀我听，佢同佢娘子系咪好恩爱呀？ （呢个时候三个强盗经过，见到企定唔喐嘅至尊宝。） 菩提：嗰个噉嘅木嘴，见镬打镬呀。 强盗甲：喂……，菩提大哥，你睇吓佢。 菩提：系噃，睇过。真系唔喐架噃！ （这时在至尊宝体内，紫霞听完良心的回答黯然神伤，呆立半晌。） 紫霞：我明啦。（转身离去） 菩提：你抄吓佢啰喂。 （至尊宝突然恢复意识。） 至尊宝：喂，老友，咩嘢意思吖？ 菩提：冇呀，见你身材咁好，咪摷吓你啰。 至尊宝：噉样，又难怪你嘅。继续摸吧。 菩提：噉即系冇嘢啦，噉继续啦，你抄下便啦。 紫霞：边个只手呀？ 菩提：你讲咩呀？ （至尊宝摇头。） 紫霞：缩开。 菩提：神仙呀！ （三个强盗吓跑了。） 至尊宝：玩完未呀？ （二人来到郊外，至尊宝离紫霞远远地。） 紫霞：喂，你唔好嬲啦，我玩吓架咋。个宝盒其实喺我家姐度啊，佢实会畀返你嘅。 至尊宝：点敢嬲你吖，姐姐。摆你上神台当观音噉拜都嚟唔切啦。 紫霞：天黑嘞，我避开家姐啊。祝你好运吖！ 至尊宝：（望着紫霞远去）唔慌唔好运嘞，呢镬真系…… （夜色降临。至尊宝一觉醒来，环顾四周。） 至尊宝：青霞！你喺边度呀？出嚟吖！我杀咗你阿妹嘞！ （突然山后红光一闪，一声巨响，似有状况发生。） （至尊宝翻过山坡，只见山下……） 大话周星驰站zhouxingchi.cn 观音：孙悟空，你只畜生，你为咗同牛魔王个妹成亲，竟然将师父唐三藏做贺礼，重要约埋啲妖魔鬼怪食唐唐三藏。 悟空：八婆！追咗我三日三夜。我见你系女人，先唔打你咋。唔好以为我怕咗你！ 唐僧：悟空，你点能够噉同观音姐姐讲嘢嘅呢？ 悟空：咪嘈！ 唐僧：你又吓我嘞！ 至尊宝：孙悟空、唐三藏？ 观音：你知唔知你已经犯咗弥天大罪呀，你重抢咗紫霞仙子嘅月光宝盒，分明就系想避开我啫。 悟空：既然避无可避，老孙就同你决一死战啦。（将月光宝盒一抛） 唐僧：做咩呀？ （月光宝盒向至尊宝飞来，至尊宝伸手去接，却被唐僧抢先接过去。） 唐僧：悟空，你曳曳嘞。我教你好多次唔好乱咁掟嘢，你又唔听话嘞。话口未完，连支棍都揼埋。月光宝盒系宝物，你乱咁掟，会染污环境架！好容易掟亲啲小朋友。就算冇小朋友，掟亲啲花花草草都唔好嘅！ （悟空一把抓住宝盒。） 唐僧：做咩呀？ 悟空：放手啊！ 唐僧：你爱呀？你爱出声至得架。你爱我会畀你。你唔爱我当然唔畀你啦！无理由你话爱，我唔畀你，你唔爱我畀你架。大家讲道理吖嘛！嗱，我数三下，你话爱唔爱啰噃。一…… 悟空：我淒！（一拳打倒唐僧） 观音：吓，孙悟空！ 悟空：哈哈哈哈哈！你见到啦？条友讲嘢长篇大论，九唔搭八，依依哦哦。就成日好似有一只乌蝇嬲埋嚟，Eh……哦。对唔住，唔系一只，系一扎乌蝇喺你耳仔边，Eh……哦……一路飞入你嘅脑里头。救命呀！救命呀！ （悟空倒地翻滚，异常痛苦。） 悟空：于是乎我要捉住只乌蝇捻爆佢嘅肚，咇佢条肠出嚟，再将条肠箍返住佢条颈，用力一扯。成条脷根出咗嚟喇，我再手起刀落！哗！成个世界清静晒。噉你哋而家知道，我点解要食咗佢嘞。 唐僧：真嘅咩？ 观音：诸多藉口，你根本唔想去取西经，就算多嘢讲都唔可以原谅你欺师灭祖嘅行为！ 唐僧：姐姐，你噉讲够唔啱啦。 观音：吓？ 唐僧：悟空要食我，只不过系一个构思，都未有成为事实，你又冇证冇据，佢又何罪之有呢？不如等佢食咗我之后，你有证有据，再定佢罪都未迟啦！ 观音：唐三藏，你烦我一早听讲过，不过谂唔到你咁烦啫。我以前畀个金刚圈你制服呢只马骝，你竟然唔用！ 唐僧：讲起嗰个金刚圈尺码又差，前重后轻，左阔右窄，佢带咗之后好唔舒服架，成晚失眠，连累埋我架！佢虽然系只马骝，但系都唔能够咁虐待佢，官府知道会告我虐畜架嘛！讲起个金刚圈，去年我喺陈家村认识一个铁匠，佢嘅手工精美、价钱公道、童叟无欺，不如等我介绍你再定做一个吖。 悟空：收声呀！…… 观音：咪嘈！…… （悟空和观音同时伸手去掐唐僧的脖子，甫一掐着观音才猛然惊觉，急忙缩回手去。） 观音：罪过罪过！ 悟空：噉你而家了解到我嘅痛苦未呀！答我啦！ （悟空用月光宝盒向观音打去，被观音挡飞。） 至尊宝：掂嘞。 （至尊宝上前去接，却又被唐僧抢先接住。） 唐僧：都话叫你唔好乱咁揼嘢架啦。 至尊宝：吓？ （孙悟空攻击观音） 观音（将孙悟空揪住）：妖猴受死啦。 至尊宝：凭你想捉住我！你估你系如来佛祖呀。 唐僧：唔好打嘞……观音姐姐，求你放过悟空，唔好杀佢啦。都话唔好打咯。 （一番斗法，悟空被观音降服，收进甘露瓶。） 观音：今日我要替天行道！ 唐僧：观音姐姐手下留情呀！试问人谁无过？佢始终系我徒弟，徒弟有错做师父嘅都有责任嘅，求观音姐姐放佢一条生路啦！ 观音：我唔消灭佢冇办法同玉皇大帝交代！ 唐僧：我唔会令你难做嘅。求你同玉皇大帝讲声，贫僧愿意一命换一命！正所谓我不入地狱谁入地狱？求姐姐你体谅。我噉样做，无非想感化劣徒，以配合我佛慈悲嘅大无畏精神啊！ （唐僧合十坐地，将月光宝盒放在一旁。） 观音：善哉善哉！悟空，希望你有一日都可以领悟到你师父呢种舍生取义嘅精神。 唐僧：（将法杖向空中一抛）喃呒阿弥陀佛！ （至尊宝冲过来拿起月光宝盒，法杖没有打中唐僧，却打中了至尊宝，月光宝盒坠地打开，一道月光闪过，将唐僧送走了。） （第二天天亮，被砸昏的至尊宝醒来，四周空无一人。） 至尊宝：唔通琴晚又发恶梦？呢镬大，发亲恶梦都未好过嘅。青霞呢？冇嚟过嘅。青霞！（一路寻去） （夜色已晚，至尊宝撞到一啲商人正准备瞓觉） 至尊宝：咁多位老世，点呀？你哋几好吗？夜麻麻冻呀。有冇搂多件衫？！小弟因为迷失咗路，唔知可唔可以畀我借宿一宵呢？ 商人甲：咁好口，去嗰边啦。 至尊宝：大吉大利老世！万寿无疆添啊老世。 猪八戒：明明见月大仙走咗上嚟，点解突然间唔见咗人嘅？ 沙和尚：一日最衰系你，屙咩嘢尿呢？忍多阵都唔得。 猪八戒：屙尿都僭架？ （突然见到黑风老妖从黑风嶺飞出） 猪八戒、沙和尚：黑风老妖？ （至尊宝半夜起身屙尿、唐僧出现喺身旁） 唐三藏：悟空，你又扮人样啦。你认得为师吗？ 至尊宝：系你条木契？ 唐三藏：悟空…… 至尊宝：冇可能嘅，一定又系发梦嘅啫？ 唐三藏：悟空，发梦冇咁早，不过……我喺时空穿梭嘅时候就经常发梦见到你。你系咪好挂住为师哩？ 至尊宝：系，个月光宝盒喺你度！ 唐三藏：喺我度，你重想要？ （商人被吵醒） 一商人：边个？ （至尊宝蒲头） 一商人：咩嘢事呀？ 至尊宝：有官差呀。 一商人：做咩嘢？ 至尊宝：又想话喺度借宿一晚，我阿爹嚟架。冇问题吖嘛？ 商人乙：你阿爹？ 至尊宝：系吖。（拉出唐僧）阿爹，出嚟同几个大哥打——个招呼啊。 商人丙：佢守边度架？ 唐三藏：守印度。 商人甲、乙：印度？ 商人甲：未听过嘅？ 商人乙：我哋听日重要赶路，你瞓嗰边嗱。 至尊宝：多谢晒。 商人乙：嘈鬼住晒。 商人甲：真系麻烦！ 至尊宝：瞓上面。 唐三藏：该煨啰，啱啱先喺印度嗰边瞓醒又要我再瞓。 至尊宝：趴低啦！死铲！个月光宝盒喺边度？ 唐三藏：悟空，你斯文啲得唔得？做乜咁猴急啫？你睇。（手指指向黑风老妖） 至尊宝：做咩呀佢？ 唐三藏：吸紧阳气啊。诈瞓啦，希望佢吸饱人哋唔吸我哋吖。瞓啦。 （黑风老妖吸饱人哋之后走买嚟吸至尊宝同唐三藏、搞咗一阵之后未能得逞，至尊宝同唐三藏四窜） 至尊宝：走呀！（唐三藏突然手持点燃的炸药出现在黑风老妖面前） 唐三藏：你唔认得我呢？正话嗰个摩罗差呢。你中意呀，攞去啦。我徒弟叫我，Bye Bye。（炸药爆炸、黑风老妖中招） 唐三藏：叫咗你唔好玩火架啦，阿弥陀佛。Bye Bye. （至尊宝畀沙僧同猪八戒黐住） 至尊宝：唔好烦我，你哋！ 猪八戒：咪走啦！ （唐三藏过来） 猪八戒、沙僧（跪低）：师父。终于见返你啦，师父！ 至尊宝：盒呀？！盒呀？！又系牛魔王？！ 牛魔王：贤弟，你捉咗唐三藏嚟畀我啦。 （半夜至尊宝又和手持月光宝盒穿梭时空回来的唐僧相遇。八戒和沙僧也找到了师父，而牛魔王也来找孙悟空要唐僧肉吃，人人均将至尊宝当作已被观音收服的孙悟空。牛魔王以为至尊宝如约将唐僧送来，大喜过望。他抓住唐僧，拿走了月光宝盒。） （第二天牛魔王为至尊宝和妹妹香香举行婚礼，同时向群妖宣布自己要迎娶新娘子。八戒和沙僧混进婚礼现场，约至尊宝半夜去救师父，至尊宝敷衍了事。这时牛魔王请出新娘子，却是紫霞。） 狗精：恭喜，香香小姐，新婚之喜呀。（至尊宝将手中骨头抛出） （一婢女递上一条毛巾畀香香） 婢女：小姐，毛巾呀。（香香喊紧） 至尊宝：喊咩吖，就算系都系我喊咗先啦。 香香：我唔系喊，不过见到你流晒口水啫。 （牛魔王招呼兄弟） 牛魔王：各位兄弟，招呼唔到…… （猪八戒同埋沙僧喺暗角嗌至尊宝） 猪八戒：师兄，师兄啊，师兄。 （牛魔王企喺众兄弟面前） 牛魔王：今日可以话系双喜临门！ 众妖：点解呀？ 牛魔王：今日除咗系舍妹出阁之日，亦都系我雄牛纳妾之时。 众妖：你话纳妾呀？噉阿嫂冇意见咩？ 牛魔王：个黄面婆不解人意，佢而家喺十万九千里外嘅火焰山度，第日就算佢知道都奈我唔何呀！ （众妖笑） 妖一：牛大哥，你究竟点样认识呢一位新夫人嘅呢？ 牛魔王：我前晚经过洛阳沙漠，见到一个貌美如花嘅女子，伏喺个地度奄奄一息。 （镜头转向猪八戒同至尊宝） 猪八戒：大师兄呀，噉点呀？ 至尊宝：得架啦！系噉话啦，得架啦。 众妖（惊诧）：紫霞仙子！ 猪八戒：好嘢，今次得咗。 （原来紫霞前天傍晚与至尊宝分手后不久就遇上孙悟空，后者将她打伤并抢走了月光宝盒（也许当时她是青霞）。牛魔王将她救起，并对她一见倾心。紫霞因为感情落空心灰意冷，遂答应下嫁牛魔王。） 牛魔王：紫霞，你个名真系好听。等我介绍我个妹夫同我细妹你识呀！香香！贤弟！过嚟呀。呢个呢就系我妹夫，呢个就系我细妹香香！ 香香：紫霞姑娘！ （紫霞向香香还礼，用一种凄楚的目光望着至尊宝，至尊宝尴尬地一笑，回避着对方的目光。） 紫霞：乜你可以留低喺度成亲咩？ 至尊宝：得啩？ 紫霞：噉你屋企个老婆点呀？ 牛魔王：老婆？乜你哋识架？ （至尊宝不置可否。） 香香：你有老婆？ 至尊宝：离咗婚架啦！ 香香：点解我从来都冇听你讲过嘅！ 牛魔王：妹，阿妹，男人有三妻四妾好平常架咋嘛，使乜咁紧张吖。贤弟呀，你话系咪吖？ 至尊宝：（心不在焉地）系呀……（看了紫霞一眼，无言地低下头去） 牛魔王：紫霞，实不相瞒，经过呢两天朝夕相对，我发觉我已经深深爱上咗你，为咗表示我嘅诚意，我当住我啲兄弟面前向你求亲。呢个月光宝盒就系我送畀你嘅定情信物，我希望你会答应我。 （至尊宝一见大喜，急忙用眼神示意紫霞接受，紫霞只是幽怨地望着他，一动不动。） 蛤蟆精：我反对呢头亲事呀！ 牛魔王：啊？你讲咩吖？ 至尊宝：等我嚟！讲咩？讲咩？讲咩？人哋家吓郎才女貌，天生一对。几时轮到你只鸦乌嚟反对啫？ 蛤蟆精：紫霞仙子择偶系有一个规矩嘅，如果大哥你能够做得到，噉我哋就心服口服嘞！ 至尊宝：规咩矩呀？有呀？ 蛤蟆精：呢个规矩就系，边个能够将佢把紫青宝剑拉出鞘，就系佢嘅意中人嘞！ （至尊宝没想到竟是自己拔出了那把紫青宝剑，浑身一震，紫青宝剑从怀里掉了出来） 群妖：紫青宝剑！ 牛魔王：等我嚟！ 紫霞：（抢先拾起宝剑）冇啲噉嘅事！呢个只不过系我同大家开嘅一个玩笑。 群妖：开玩笑？ 紫霞：把剑边个开到，边个开唔到根本冇关系。（说完转身向后院走去） 牛魔王：你班冚家铲喺我地头搞搞震…，边个阻我，边个死！边个阻我，我杀边个！ 一妖：大王，铁扇公主嚟咗。 （这时铁扇公主来了。至尊宝趁乱向后院追去，香香在一旁看在眼里。） （至尊宝在后院里找到紫霞。） 至尊宝：你做乜匿埋喺度啫？ （突然紫霞拔出宝剑抵在至尊宝的咽喉上。） 画外音：当时把剑佢离我喉咙只有０.０１公分，但喺四分之一炷香之后，把剑嘅女主人将会彻底噉爱上我，因为我决定讲一个大话。虽然本人生平讲大话无数，但系依呢一个我认为 系讲得最完美嘅！ 紫霞：再行前半步嘅话，我杀咗你！ 至尊宝：你应该噉做！我亦应该死！曾经有一份至真嘅爱情摆喺我面前，我冇珍惜。到冇咗嘅时候，先至后悔莫及。尘世间最痛苦莫过于此。你把嘢喺我咽喉度拖落去啦，唔需要犹疑架啦！如果个天可以畀个机会我返转头嘅话，我会同个女仔讲三个字：我爱你。如果 系都要喺呢份爱加上一个期限，我希望系……一万年！ （“呛啷”一声宝剑落地，紫霞感动得泪流满面。） 紫霞：噉你点同你嗰位娘子交代呀？ 至尊宝：一定要交代！所以我点都要攞返个月光宝盒同你一齐返去同佢哋讲清楚。我唔理任何人点讲，亦都唔怕后世会有千千万万嘅人对我唾骂！我一个人承受。 紫霞：你唔好呃我！ 至尊宝：但系我痛恨我自己，冇本事攞返个宝盒，我… 紫霞：我帮你！ 至尊宝：唔好，好危险！ 紫霞：你唔想？ 至尊宝：想！ （画外音（牛魔王把声）：我点会金屋藏娇吖，夫人！谣传嚟架咋。） 铁扇公主：我信你就傻呀。 （这时牛魔王和铁扇公主来了。） 铁扇公主：哼，你哋喺度做咩呀？ （至尊宝和紫霞不语。） 铁扇公主：佢系边个？我问你呀，佢系边个呀？ 牛魔王：佢呀……贤弟，佢系边个吖？你好讲啦！ 至尊宝：佢……系我发妻。 牛魔王：哗！你听到啦，你都算衰啦！贤弟。（低声地）好兄弟。 铁扇公主：噉你重将个妹嫁畀佢？ 牛魔王：所以佢老婆睇唔过眼，用剑插佢啰！ 铁扇公主：你跟我过嚟！我有嘢问清楚你…（将至尊宝拽走） 紫霞：原来你有老婆嘅！ 牛魔王：冇晒感情架啦。 （这时另一边） 铁扇公主：你好同我讲清楚，成件事究竟系点？ 至尊宝：讲咗啦，阿嫂！ 铁扇公主：你叫我做大嫂呀？ 至尊宝：对唔住，应该系牛夫人。 铁扇公主：以前一齐睇月亮嗰阵就叫人哋做小甜甜，而家新人胜旧人嗱，就叫人哋做牛夫人！ 至尊宝：小甜甜？ 铁扇公主：你估我咁辛苦返嚟呢度，真系为咗个衰佬呀？我为咗你呢一只冇良心嘅马骝精咋！（用力掐至尊宝） 至尊宝：啊！哎吖！ 牛魔王：（喺远处望住）贤弟帮我鲠呢一剂真系辛苦命啦！ 至尊宝：唔关我事架！ 铁扇公主：我唔理，总之今晚二更时分你一定要喺呢度等我，大家四四六六拆掂佢。 （转身回到紫霞面前）如果我系你呀，我老公要娶妾侍嘅话，我就死咗佢！ 牛魔王：真系？ 铁扇公主：系！不过首先要阉咗你先！ 牛魔王：啊！？ 铁扇公主：行！ （两人离去。） 至尊宝：紫霞，噉我… 紫霞：我信你啦！今晚等我攞返个月光宝盒，二更喺度见。 （至尊宝欢喜地不知说什么好。） 猪八戒、沙和尚：师兄……等我搞掂我班兄弟先。今晚见。 （紫霞满面春光） 大 话周星 驰站zh ouxingchi.cn 铁扇公主：死马骝吖，二更啦，都未出现。 （半夜至尊宝溜出洞房去找紫霞，却被八戒和沙僧截住，至尊宝只好陪佢们去救唐僧。） 猪八戒、沙和尚：大师兄！大师兄！嗱，系咪呀，我都话大师兄实唔系敷衍我哋嘅。佢一定就师父嘅。咁夜出嚟唔通系屙尿咩！ （至尊宝一只手竖起大拇指） 猪八戒：唔使赞，我高你少少咋嘛，冇咩大不了呀。 （至尊宝双手竖起大拇指） 猪八戒：又赞我啰。 沙和尚：唔好讲咁多，去救师父呀。行啦。 猪八戒：行啰。 至尊宝（辩解）：我真系出嚟屙尿。 （猪八戒、沙和尚连拉带扯） 猪八戒：行啦。 边有人成日暗暗沉沉，边有人咁多嘢讲啫，真系吖。攞命呀……走啦…… 猪八戒：肯定师父喺入面嘞。 沙和尚：系呀。 至尊宝：除咗佢之外，冇人会咁攞命嘅。你（哋）入去先，我喺后便…… 猪八戒（拽起至尊宝）：你喺中间。 沙和尚：行啦！ 猪八戒：入去。 沙和尚：就喺呢度呀，呢度呀，嚟…… 猪八戒：师父。师父呀，师父。我同佢哋嚟救你架。 沙和尚：我哋嚟带你走架。 唐僧：我唔会走嘅。 沙和尚：你唔走？ 八戒：啊？点解呀？ 唐僧：我哋四师徒今次取西经，可以讲系困难重重，原因系我哋唔得齐心合力，所以畀啲妖魔得逞啫。既然系噉，我系呢个监仓，同喺外边有乜分别呢？外边对我嚟讲，只不过 系一个大啲嘅监仓。你哋出去先，我有啲嘢要同大师兄讲。 八戒：师父！ 唐僧：八戒，你又曳啦！ 八戒：唔系呀师父！噉我喺出面帮你睇水啦。沙僧，跟我嚟！（两人离去）你返去。 猪八戒：吹个波，吹个大个波！（埋嚟两牛精，猪八戒笑笑口）跌咗嘢呀。 猪八戒：师弟，收埋佢哋。 沙和尚：点解系我呀？ 猪八戒：因为我本领高强过你。 唐僧：你入嚟咗吓啦！（打开牢门让至尊宝进来） 至尊宝：坦白讲吖，我唔系你徒弟嚟架，更加唔想系你徒弟。大师，我知你慈悲为怀，你当系放过我啦好吗？ 唐僧：你知唔知咩嘢系登登登……？ 至尊宝：咩登登登？ 唐僧：登登登……，就系……（唱道） On--lyyou--！can take me取西经； On--lyyou--！能杀妖精鬼怪； Onlyyou能保护我，唔使畀啲蚌精蟹精嗒我； 只有你咁劲，就是Onlyyou--！ 至尊宝：哎…… 唐僧：On--lyyou－－！莫怪师父暗沉； 戴返个箍，莫怕死咪发啼揗； 碰到钉咪惊，我understand，要全力地去do！ 要惊就两份惊，喃呒阿弥陀佛！ 至尊宝：我真系唔得嘞，你唔好再…… 唐僧：On－On--！ 至尊宝：你老板话，你真系！（一拳将唐僧打倒）我已经话咗唔得架啦，你重要啊啊啊噉！完全唔理我几咁难受嘅你，你唔好再烦我，我一嘢怼死你！ 唐僧：悟空，你即管怼死我啦，生亦何哀，死亦何苦，到你明白到舍生取义，你自然会返嚟同我一齐唱呢首歌架嘞。喃呒阿弥陀佛、喃呒阿弥陀佛、喃呒阿弥陀佛…… （至尊宝掩耳逃走。） （至尊宝去找紫霞却发现她身受重伤，正要带她逃走，又撞见在后院等他的铁扇公主。） 至尊宝：紫霞！ （至尊宝抱着紫霞与八戒、沙僧逃走。） 八戒：师兄，你做咩带埋个女人走呀！ 至尊宝：师父走咗啦，叫你哋喺三百里外大树林等佢吖，快啲去吖。 沙僧：咪住。 （沙僧突然趴在地上倾听。） 沙僧：前面有埋伏！ 八戒：一眼就睇到啦，使咩听啫？正蠢材！ 至尊宝：抱住！ （众人向前一看，果然见一女子站在路中央，手执尖刀。） 至尊宝：香香，点解你喺度嘅？哗，咁多血嘅你只手？ 香香：呢啲血，系你抱住个女人嘅！ 至尊宝：系佢嘅？！ 香香：冇错！系佢嘅。今晚我趁佢瞓着咗，插咗佢几刀。呢个女人一日唔死，你都唔会返嚟我嘅身边！ 至尊宝：有啲嘢冇得勉强，天意系噉就噉架啦！你哋话系咪？ 猪八戒、沙和尚：系吖，系吖…… 香香：废话！如果个天要你钟意猪八戒，你会唔会唔钟意吖？ 至尊宝：如果个天系要噉安排，我都冇办法架！ 香香：好！唔使等个天安排！ 至尊宝：哗！想点呀？ 猪八戒（拽住紫霞想走）：走呀，走啦…… 香香（将至尊宝打昏，用“移形换影”大法将紫霞与猪八戒调换）：移形换影大法。 香香（揸住沙和尚个头）：我要将你同嚿石头调转。 沙和尚：放开我！抓你个波。 （香香在搏斗中又误将自己与沙僧调换。） （第二天至尊宝醒来，见紫霞昏倒在地，上前将佢叫醒。） 至尊宝：紫霞！紫霞！醒吓喂！ “紫霞”：大师兄，做咩揽住我呀？ 至尊宝：猪八戒？ 八戒：系呀！ 至尊宝：噉紫霞呢？ （这时一个声音在身后说道）：秦祥林。 （至尊宝慢慢回头，看到的却是“猪八戒”。） 至尊宝：青霞？ 青霞：嗯。 至尊宝：唔好揾啲噉嘅嘢搞好。 八戒：死啦！连我都中埋招！家吓两嚿胸肌揼到落肚脐！ 青霞：你唔会嫌弃我吖嘛？ 至尊宝：噉又唔会。（但一见他的猪脸就恶吐出来） 青霞：噉你即系嫌弃我啫！好！一拍两散啦！ 至尊宝：哎，你畀啲时间我吖，我呕吓呕吓就惯架啦嘛。（又大吐起来） 青霞：好！我信你。我就畀啲时间你，而家慢慢实习吓先。 至尊宝：好呀，我得啦。（一见他把猪嘴凑过来又吐起来） 青霞：嚟呀。 八戒：唔好讲啦，连我都想呕呀！ 青霞：一日都系你个样衰！如果唔系佢使呕成噉样？吓！佢咁为得我，我决定嫁畀佢，畀个温暖嘅家庭佢，同佢生好多好多细路仔。 （至尊宝闻听此言，吐得倒地不起。） 青霞：祥林。（奔过去抱住他） （这时沙僧与香香同时醒来，发现身体被调换。沙僧大怒，抓住香香。） 沙僧：我要杀死你！杀死你！ 八戒：师弟，连你都中埋招呀？ 沙僧：你快啲同我调返转呀。 八戒：咪嘈，听我讲。我唔难为你，你快啲发功将我哋调返转！ 香香：你估我唔想嘅咩！发咗一次功要等七七四十九日之后至可发第二次架！ 八戒：七七四十九日？我叉你得唔得呀！ 青霞：（抱着“昏倒”的至尊宝）祥林，你面对现实啦！ （青霞要亲至尊宝，至尊宝将头一歪。） 沙僧：快啲畀返个肉身我呀！快啲发功。唔好诈谛，快啲！ （突然紫霞体内同时发出两个声音） 紫霞：边个喺里面呀？ 八戒：乜嘢喺你里面呀？我都唔知喺边！ 沙僧：两把声嘅？ 紫霞：你系边个？ 八戒：我咪猪八戒啰，你呢？ 紫霞：我系紫霞！ 青霞：（抱着“昏倒”嘅至尊宝）祥林！ 青霞：祥林！ 紫霞：（一回头）至尊宝！ 至尊宝：（一睁眼）紫霞，你重喺度吓？（爬起来和紫霞相见） 青霞：你呢个贱人！ 紫霞：终于畀我见到你啦！做咩你？冇见咁耐变咗噉嘅样嘅？ 至尊宝：个月光宝盒？ 紫霞：唔记得咗攞呀。 至尊宝：啊？ 紫霞：呃你咋！（拿出月光宝盒） 至尊宝：攞嚟！ 青霞：你攞个月光宝盒做咩呀？ 紫霞：同我远走高飞啰！你咪缠住佢呀，肥婆！ 青霞：祥林会同你远走高…牛魔王呀！（趁紫霞回头将月光宝盒抓过来）你唔好又喺度发梦呀。 紫霞：唔信呀，你问佢吖！ 青霞：你话钟意我就系为咗攞呢嚿嘢想同佢走系咪？ 至尊宝：唔系唔系唔系，完全冇啲噉嘅事。唔信你揼咗呢嚿嘢佢吖笨。 青霞：好！ 至尊宝：唉，做人有阵又唔使太冲动。 青霞：你睇你个衰样吖，你重话唔系？我就揼咗佢！ 至尊宝：啊？！ （突然牛魔王从一旁杀出，将月光宝盒接住。） 香香：阿哥！ 沙僧（击中香香一拳）：行开。 香香：好有男子气概呀！ 沙僧（又出一拳）：收嗲呀！ 香香：我钟意呀！ 牛魔王：今次睇你哋重走得去边！ 至尊宝：哇，牛兄，乜咁伤呀？ 牛魔王：你估个衰婆好得过我好多呀？你睇吓啦！ （这时铁扇公主也来了。） 铁扇公主：（指着至尊宝）你都呃得我够啦！ 至尊宝：喂，其实我就根本唔系…… 青霞：祥林，嗰个边个嚟架？ 铁扇公主：我信你就傻呀！（指着牛魔王）衰佬！而家我正式撇你呀，以后各自揾食啦！ 牛魔王：好！你捉你嘅，我捉我嘅！（扑向紫霞） 至尊宝：快啲救紫霞，个肉身你都有份架！打到佢血肉模糊你攞返都冇用呀！ 青霞：系！（抓过钉耙上前助战） 铁扇公主：想走？ 牛魔王：今日唔讲清楚你咪使旨意走！ 青霞：唔准打佢！（帮紫霞架开牛魔王的钢叉） 紫霞；喂，死八婆，我同佢啲嘢使乜你帮手呀！ 青霞：悭啲吖你，我惊佢整花我完美嘅身体咋！鬼得闲帮你手！ 紫霞：哎吖，打就打啦，咁多嘢讲！信唔信我帮佢手，打埋你吖嗱。 青霞：你试吓？女人嚟架，你使唔使咁大力呀，我同佢死过！（上前朝牛魔王一耙，唔慎中咗一脚） 紫霞：我就唔帮手，睇你两个打得几耐。 至尊宝：走啦！ 紫霞：唔得！我一定要帮你攞返个月光宝盒，等你返去同你位娘子有得交代！ 至尊宝：哇，你个人好嘢呀，冇得顶。 紫霞：真系？ 至尊宝：你点会重有得顶啫噉样？ 至尊宝（见铁扇公主飞嚟，举起双手）：等等。 （铁扇公主冲过来一脚将至尊宝踹飞） （铁扇公主又向紫霞扑来，被牛魔王挡开。） 牛魔王：衰婆，唔好打我条女呀！ 铁扇公主：我钟意呀！ 牛魔王：你个契家佬走咗啦！ 铁扇公主：吓？ 紫霞（好冧）：走都走得咁有型，我真系幸福呀。 （铁扇公主回头一看，至尊宝向悬崖跑去，急忙去追。） 大话周星驰站zhouxingchi.cn （至尊宝跑到悬崖边，情急智生。） 至尊宝：冇法啦，扮跳崖啦！（除下一只鞋放在崖边，正想躲起来，转念一想）摆返近啲好！（回去又把鞋向外挪了挪） （这时铁扇公主赶到。） 铁扇公主：孙悟空！唔好跳崖呀！ （至尊宝一惊，脚下一滑。） 至尊宝：我都唔想架！（坠崖而去） 铁扇公主：你宁愿跳崖都唔见我？算啦，我都系返火焰山。 （崖下） 一强盗：早知要充军嗱，我嚟就唔做嗰单嘢啦！ 强盗菩提：点知去偷菩提子都要充军咁大镬得架？ 另一强盗：早知系噉就偷过第二样嘢啦！ 一官兵：早知系噉就唔好做贼，好似我噉当兵，你哋冇机会架嘞。除非神仙打救你哋啦！ （至尊宝从高空堕下，阴差阳错，四官兵插死咗各自） 一官兵（苦楚，后悔）：早知唔当兵。 强盗菩提：真系神仙打救呀，神仙啊！ （至尊宝坠崖未死，却无意中解救了那三个被抓起来的强盗。至尊宝在昏迷中似乎梦见了紫霞，等醒来时已身在盘丝洞中） 至尊宝（在梦中不停叫）：晶晶…… 一强盗：菩提大哥呀，唔知佢想蒸乜嘢呢？ 强盗菩提：多事呀你！ （强盗菩提端来一杯茶。） （沙僧同香香行紧路，一声狗吠吓到香香抓沙僧衣袖） 沙僧：你唔好再搏我懵喇！ 香香：人嚟钟意你先搏你懵之嘛！ 沙僧：哪！要做我嘅女人，以后就唔好好似你阿哥噉为非作歹。 香香：啊！知啦！ （盘丝洞中） 强盗菩提：饮茶！ 至尊宝：唔该晒你！ 菩提：唔好客气！ 至尊宝：点解又要带我返嚟呢个洞？ 菩提：唔系我带你嚟，系你晕咗迷迷糊糊带我哋嚟嘅。 至尊宝：我一定系太挂住晶晶。 菩提：系呀！你晕咗嘅时候叫咗晶晶呢个名九十八次！ 至尊宝：晶晶系我娘子。 菩提：重有一个名叫紫霞嘅你叫咗七百八十四次！ 至尊宝：啊？！ 菩提：七百八十四次……阿紫霞梗系挣你好多钱。 （这时洞外闯进一人。） 白晶晶：我要拜盘丝大仙为师！佢分明将水帘洞改咗做盘丝洞，你哋够胆呃我话冇呢个人？死马骝，原来你重喺度！点解你噉对我呀？ 至尊宝：晶晶？！晶晶，见返你真系好！ 白晶晶：咩话？ 至尊宝：你瘦咗。 白晶晶：啊？ 至尊宝：我唔系孙悟空嚟，但我唔知点同你讲，因为你实唔信！ 白晶晶：我信。 至尊宝：啊？ 白晶晶：只死马骝唔会对我咁温柔，你系边个？ 至尊宝：我就系你五百年后嘅相公五百年之后你会因为我而放弃你而家呢段感情我千辛万苦返到嚟呢度同埋做嘅任何嘢完全都系为咗你晶晶我好挂住你我真系好挂住你我太－－挂住你嘞！你信唔信？ 白晶晶：唔信！ 至尊宝：唔怪得你嘅，等我再谂谂点样。 白晶晶：不过我觉得我识你。 至尊宝：绝对识架！ 白晶晶：重好熟。 至尊宝：非常咁熟架！ 白晶晶：五百年之后。 至尊宝：系。 白晶晶：我哋点识架？ （至尊宝在三个强盗的配合下一边表演一边说道） 至尊宝：喺一个月黑风高阴森恐怖嘅晚上我系至尊宝你系白晶晶，奇妙嘅爱情就由桥头上面嘅呢一点火而开始。我一拧过嚟你就失惊无神向我一指，我成只手着晒火。你重要冲埋嚟 系噉噍，系噉噍。唔系…咪噉噍，噉噍，噍呀……系，就系噉噍啦你见到啦？跟住嘅发展我可以大胆用一句峰回路转嚟形容，因为突然间杀出一个牛魔王。你当时手揸一条尾龙骨大战牛魔王之后，重将我捉咗返去盘丝洞添。所谓光阴似箭真 系一啲都冇错，因为眨吓眼啫就讲到戏肉呢。喺断崖顶，就系感情爆发嘅时候，当时我不顾一切噉摷你，你又不顾一切噉摷我，重立下永不分离嘅约誓。但系快乐永远系短暂的，换嚟只 系无穷无尽嘅痛苦同埋唏嘘！点解你会死咗嘅？我当时唯有利用月光宝盒令时光倒流嚟到揾出真相，终于畀我发现原来你系自杀嘅！喺最后关头我终于都能够将你救返！但系最后一次嘅时光倒流月光宝盒发生故障我“卓”一声返番嚟五百年之前。就 系噉。 两强盗：大哥！菩提大哥！ 白晶晶：究竟你而家想点呀？ 至尊宝：见返你我唔使再返去，我哋成亲！ 白晶晶：我……啱啱瞓醒冇耐，行过出面无所事事，谂住顺便入嚟拜师学艺咋！你霎时间讲到成亲咁大件事。我……牙都未刷！ 至尊宝：我知道其实你心里面重有怀疑，如果我可以攞个心出嚟畀你睇，你就知我冇讲大话。 白晶晶：好容易啫！ （晶晶用缩身法进入至尊宝体内。） 白晶晶：咦，乜你咁似…… 良心：椰青吖嘛？以前都有个女仔噉讲过。 白晶晶：噉椰青呀椰青，佢头先讲啲嘢系咪真架？ （这时三个强盗见至尊宝木立不动） 菩提：唔使谂啦，照旧呀，你抄下便嗱！ 强盗甲：哦！ （至尊宝体内） 白晶晶：多谢晒你呀椰青！噉系咪即系佢最爱嘅人就系我呀？ （……） （牛魔王将青霞与紫霞抓了回去。） 牛魔王：哼，你返嚟咁耐，一日到黑螺住要个月光宝盒，算咩意思呀？我问你几时同我成亲，你就喺度推三推四，你到底嫁唔嫁畀我呀？ 紫霞：（普通话）我嫁！ 牛魔王：喂，你细妹系咪傻咗呀？成晚喺度讲国语。 青霞：佢唔系傻，佢系黐线！ （紫霞点头） 牛魔王：黐线都杀啦，应承咗就得啦！七日后成亲！（转身出房） 青霞：你真系决定嫁畀佢咩？ 紫霞：（普通话）[我骗他吗。]我等紧我嘅男人返嚟接我呀！ 青霞：哈哈哈！乜你真系信嗰只蛊惑仔会返嚟接你咩？系就真系恭喜晒啰！不过就算佢返嚟，又凭咩本事喺牛魔王手上抢返你呀？ 紫霞：个天安排得佢拔得出我把紫青宝剑呢，佢必定系一个非凡嘅人，唔会错嘅。我知道终有一日佢会喺个万众瞩目嘅情况之下出现，身披金甲圣衣，脚踏七色云彩嚟迎娶我嘅！ 青霞：你重唔认系黐线！ 紫霞：呢啲唔系黐线，系理想！ 猪八戒：认啦！黐线妹。 紫霞：唔认！ （三个强盗帮至尊宝将盘丝洞布置成新房，至尊宝装束一新，脸上带着幸福的表情。） 菩提：兄弟，世事难料，估唔到你咁快同白姑娘成亲！ 至尊宝：我自己都估唔到。 菩提：我哋都戥你高兴！ 至尊宝：多谢你！ 菩提：寻晚你发梦，又叫咗紫霞姑娘个名七百八十五次，比上次多咗一次！（至尊宝半晌说不出话。） （时间在一天一天过去） 青霞：过咗六日啦，听晚你就嫁人嗱。哼，佢会嚟？（紫霞脸上颇有忧色，不久便释然，眼中充满着对明天的憧憬与希望。） （至尊宝发紧梦，梦见紫霞。） 紫霞：琴晚我托一只蜘蛛同你讲，叫佢话畀你知，我好挂住你，你知唔知呀？ 至尊宝：你又知唔知？我不嬲呃你架咋。 紫霞：呃咪呃啰！正如啲飞蛾噉，明知会受伤都会扑埋啲火度。飞蛾就系咁傻架嘞！ （至尊宝醒来，只见亮光一闪，墙上有一只蜘蛛在爬，而紫霞手上戴着的金铃竟挂在一丛小树枝上。至尊宝心有所动，取下金铃在手中抚摸，突然身后人影一闪，回头看时却不见有人。） 至尊宝：出来呀菩提子。 （菩提从床后转出来。） 菩提：我唔系想监视你，我只不过想研究一下人与人之间嘅一啲微妙感情啫。 至尊宝：贼嚟啫你……，大佬。唔好学人研究嘢啦。 菩提：贼都有好学嘅。 至尊宝：悭啲啦你！瞓嗱！ 菩提：紫霞喺你心目中系唔系一个感叹号，抑或系一个句号？你脑海里系咪充满问号呢？ 至尊宝：紫霞只不过系一个我识得架人！我以前讲过一个大话呃佢，我而家心里面有多少内疚噉解嘅啫！我越嚟越讨厌佢。我听日结婚啦，想点啫而家？ 菩提：有一日当你发觉你爱上一个你讨厌嘅人，呢段感情先至最攞胆！ 至尊宝：但系我点会爱上一个我讨厌嘅人？你畀个理由我唔该！ 菩提：爱一个人系要理由嘅咩？ 至尊宝：唔使嘅咩？ 菩提：要嘅咩？ 至尊宝：唔使嘅咩？ 菩提：要嘅咩？ 至尊宝：唔使嘅咩？ 菩提：哎，我同你研究吓啫，唔使咁认真？乜要嘅咩？（转身走咗） （至尊宝陷入沉思。忽然听到声响） 至尊宝：边个？ （第七天到了。牛府张灯结彩。广场上搭起一座绞刑架，唐僧被绑在上面，由两名小妖押护。） 群妖：大王万岁！ 唐僧：你有几多兄弟姊妹呀？你父母尚在吗？你睬吓我啦，我不过想喺临死之前结交个朋友啫。 （台下） 沙僧：弊啦，点样上去救师父呀？ （绞刑架对面是一座高台。紫霞凤冠霞帔，心事重重。） （沙僧与香香也混进婚礼现场，伺机救人。） 唐僧：所以话做妖好似做人噉样，要有仁慈嘅心，有咗仁慈嘅心，就唔再系妖，系人妖。 （小妖甲开始呕吐。） 唐僧：嗱，佢明白啦，你明白未呀？ （青霞在高台上被五花大绑着。） 青霞：（朝紫霞）冇人会嚟接你架！醒未呀，蠢婆！ （至尊宝正在洞中，强盗甲送来一封信。） 强盗甲：大哥，你有封信呀。 白晶晶：你嘅良心话我听你最爱嘅唔系我，系另外一个女人。当我见到佢喺你良心嗰度留低嘅嘢之后，我觉得你经过呢五百年返嚟要揾嘅唔系我，而系佢。你同我都要相信呢啲 系天意，亦都系传说中嘅缘分。 （至尊宝默默地放下信，这时菩提走了进来。） 至尊宝：晶晶走咗啦。 菩提：我知，封信我睇咗啦。 （至尊宝茫然地走出洞去。） 强盗乙：菩提大哥，咩事呀？ 菩提：你哋睇咗未？ 两强盗：未呀。 菩提：快啲睇吓。 （突然一声娇叱，至尊宝被推进洞来。跟着闯进一人，挥手将众人打翻，正是春三娘。） 春三十娘：讲！我知我师妹白晶晶嚟过呢度，佢而家响边嗱？ 强盗甲：唔知呀。 至尊宝：咩嘢咁大仇？咁多年嚟你都唔肯放过你师妹。 春三十娘：咦，新郎哥，讲到好似好熟噉，不如就你话我知呀。 至尊宝：我都唔知佢去咗边。 春三十娘：唔知呀？听你讲嘢你心地唔错，嗰啲你朋友呀？（宝剑一挥，将两名强盗砍死） 至尊宝：唔好呀，喂！ （春三十娘又指着菩提）春三十娘：知唔知呀？ 至尊宝：你夹硬要杀人嘅杀我啦。佢哋唔识你师妹架，全部系无辜架！ 菩提：我同意！（也被一剑砍死） 春三十娘：我不嬲都好佩服啲人唔怕死嘅，既然你系噉，我就成全你啦！（长剑一摆） 至尊宝：咪住！ 春三十娘：哈哈哈！我以为你真系咁勇添。 至尊宝：横竖都系啰，你帮帮忙。我听讲话如果把刀出得快落点准，劏开一个人之后个人唔系即刻死住，只眼重睇到嘢。你拍硬档出手快啲，劏我个心出嚟畀我自己睇吓得唔得？ 春三十娘：咩话？ 至尊宝：我有个朋友话留低咗啲嘢喺我心里边，我好想睇吓系咩。 （至尊宝扯开前胸的衣服，做了个开膛的手势，望着春三十娘，毫无惧色。） （春三十娘愣了半晌，突然回剑入鞘） 春三十娘：无厘头！（转身便走，走了几步突然回身）你抛我！（又是一剑挥出……） （与此同时……） 唐僧：人同妖精都有阿妈生，不过人系人那妈，妖系妖那妈！ 小妖甲：我顶唔顺嗱！（拔刀自尽） 唐僧：你贵姓啊？ 小妖乙：啊－－！（精神崩溃） 司仪：准备交拜天地！ 牛魔王：美人，我哋拜堂啦！ 紫霞：咪住。 唐僧：嗱，而家个妹呢就救个大姊，一阵间呢，个大姊梗系救返个妹嘅。 牛魔王：你又想点呀？ 紫霞：我嚟今晚都成亲啰，你放咗我姐姐先啦，我一定会守诺言架！ （不等牛魔王同意就走到青霞面前，用小妖的匕首斩断绳索） 紫霞：我唔想斗啦，你走啦！呢世女我得你一个姐姐架啫！（将匕首握在手中，转身欲走） （青霞一把抢过匕首） 紫霞：姐姐！ 青霞：牛魔王！我唔会畀个妹嫁畀你嘅！ 紫霞：姐姐。 牛魔王：你讲咩话？ 青霞：我呢一世女亦都系得一个妹架咋。（冲牛魔王）嚟吖！ 唐僧：嗱，系咪呀？ （这时小妖乙在唐僧身旁上吊自尽了。） 唐僧：竟然畀人快过我。你好嘢呀吓。 （牛魔王勃然大怒，双掌击出将姐妹两人打下高台。） 沙僧：系时候啦。 （香香和沙僧急忙冲过去，香香用“移形换影”大法将各人复原，这时一只狗跑了过来，结果青霞进入香香体内，而香香进入狗的体内。） 香香：移魂大法。 牛魔王：香香。 青霞：我唔系你个妹。 牛魔王：香香，你做咩呀？ 狗：阿哥，我喺度呀。出咗事啦！ 牛魔王：香香？ 狗：我喺只狗里面嗱。 紫霞、沙僧、猪八戒：你系边个呀？ 青霞：我系青霞呀！ 紫霞：姐姐。 牛魔王：我杀咗你哋。 沙僧：救师父先！ （牛魔王踢咗青霞一脚） 紫霞：唔好打我姐姐呀！ 唐僧：小心呀！ （牛魔王打败四人，抓住了紫霞和青霞。） 牛魔王：（指青霞）同我钉死个女人！ 紫霞：唔好呀！ 司仪：大王，佢系香香小姐嚟架！ 牛魔王：行开！佢唔系我个妹！边个阻我，我杀边个。 （这时在水帘洞中） 至尊宝：观音大使，我谂我开始明白你所讲嘅嘢，以前我睇嘢系用对肉眼去睇。但喺我死咗嗰一刹那，我开始用心眼去睇呢个世界，所有嘅嘢真系可以睇得前所未有咁清楚。原来嗰个女仔喺我心入便留低咗一滴眼泪，我完全感受到佢当时 系几咁伤心。 观音：尘世间嘅事你唔再留恋嘞咩？ 至尊宝：冇所谓啦，生亦何哀，死亦何苦！ （突然三个强盗的魂出现了。） 三强盗：讲得好……讲得好！ 至尊宝：点呀老友？喂，坐吖喂！ 三强盗：嚟吖，你坐吖。 至尊宝：最唔好嘅呢就系连累咗我呢三位新相识！完全唔关佢哋事吖嘛！ 三强盗：算啦！ 至尊宝：不过我好唔明，憎一个人可以十年、五十年甚至五百年噉憎落去，即系嗰个仇恨可以大到噉样样吓？ 观音：所以唐三藏去西经，佢就系想藉住呢本经去化解人世间嘅仇恨！ 至尊宝：明白！（朝三位强盗）我要留低因为有啲嘢等住我去做，你哋自己嗱嗱林去投胎先嗱！ 三强盗：好呀。 至尊宝：呢世我累你哋畀人片咗一嘢，希望下世有机会可以还！ 菩提：要还起码还三嘢。 至尊宝：点话点好啦菩提子。 三强盗：好啦，走啦。系噉先。 至尊宝：再见，唔送啦。 观音：我要再提醒你一次，金刚圈戴上之后你唔再系一个凡人，人世间嘅情欲唔能够再沾半点。如果动心呢个金刚圈就会喺你头上越收越紧，苦不堪言！ 至尊宝：听到。 观音：喺戴上金刚圈之前，你重有咩说话想讲？ （至尊宝双手拿起金刚圈，停在半空，想了片刻） 至尊宝：曾经有一份至真嘅爱情摆喺我面前，但我冇去珍惜，到冇咗嘅时候先至后悔莫及，尘世间最痛苦莫过于此。如果个天可以畀个机会我返转头嘅话，我会同个女仔讲我爱佢！如果 系都要喺呢份爱加上一个期限，我希望系一万年！ （一阵寒风吹过，至尊宝合上双眼，缓缓戴上金箍……） （这时……） 牛魔王：叩头！ （紫霞被强行按倒与牛魔王行礼。牛魔王手一挥，青霞被长矛穿胸而过。） 司仪：再叩首！ （紫霞被再次按倒，青霞再次被长矛穿过。牛魔王哈哈大笑。） 司仪：三叩首！ （紫霞又被按倒，青霞又被长矛穿过，紫霞痛哭失声。） 牛魔王：拜咗祖师爷，饮过合卺酒，你就系我牛家嘅人啦！哈哈哈哈！ （众妖齐声呐喊……） 大话周 星驰站zhouxingc hi.cn （突然狂风大作，黑云翻滚，雷电交加。众人不禁一愣，朝天望去。） 紫霞：彩云呀！ 八戒：好似棉花糖呀。 青霞：唔通真系佢？ 唐僧：小心呀！有雷暴，落雨好收衫啦！ （众小妖晕倒一片。） （突然黑暗中一道七彩祥云破空而出，疾驰而至，云端一串筋斗翻下一人，身披金甲圣衣，手执金箍棒，正是齐天大圣－－孙悟空！） 牛魔王：勾二嫂反骨仔！ 悟空：喔－－！熟还熟啫，乱咁讲嘢我都一样告你毁谤架。 牛魔王：同我杀咗佢！ （众小妖正待厮杀，孙悟空突然张嘴作打喷嚏状，吓得众小妖急忙后退。） 一小妖：小心呀！佢再打乞嗤。 悟空：乞——嗤！ （众小妖安然无恙。） 悟空：对唔住，呢个乞嗤一定令到大家好失望。（转身一撅屁股放了个屁，将众小妖吹飞。） 紫霞：至尊宝？ 悟空：哈！今次大家满足嘞啩！师父！（朝唐僧一翘拇指） 唐僧：哦！原来系悟空，我重以为系嚿雨云添！ 悟空：（合十跪倒）师父！弟子昔日罪孽深重，幸得观音大使指点迷津，而家一心皈依我佛，绝不会再留恋人世间半点情欲。护送师父去取西经呢个重任，弟子愿意一力承担！ 唐僧：善哉善哉！你终于肯重返正途啦！ 紫霞：至尊宝呀。至尊宝，你返咗嚟啦。 悟空：姑娘！我……确实识得有个朋友叫做至尊宝，佢重有啲嘢托我向一个叫紫霞仙子嘅人讲，系咪就系你呀？ 紫霞：至尊宝呀！ 悟空：企喺度！我问系咪你呀？殊殊，系咪啫？系咪啫？系咪啫？系咪啫？讲啦！ 紫霞：系。 悟空：啱嘞！佢话，佢已经返番去以前嘅地方，重话希望仙子你能够早日揾到个如意郎君。（笑） 紫霞：你唔好玩啦，至尊宝呀！ 悟空：我再讲多次呀，我个名叫做齐天大－－－圣！唔好再叫错啰。 （一个筋斗翻出去） 牛魔王：今日有你冇我！ 孙悟空：变！ 牛魔王：打死你个反骨仔！看叉！（一叉刺来） （孙悟空挥棒一架，顺手夺过钢叉） 悟空唱道：烧鸡翼，我钟意食