闽南语童谣

雲林縣虎尾鎮廉使國小鄉土教材----鄉土語言 閩南語童謠 【人 插 花】 人插花,伊插草,人抱嬰,伊抱狗, 人未嫁,伊先走,人坐轎,伊坐畚斗, 人睏紅眠床,伊睏屎斛仔口。 【一的炒米芳】 一的炒米芳,二的炒韭菜, 三的沖沖滾,四的炒米粉, 五的五將軍,六的攬子孫, 七的七蝦米,八的縖兜鞬, 九的倒在蠕,十的企起來看。 打你千,打你萬,打你一千過五萬, 老鼠仔欲啁就緊啁,不啁給你打到啁。 【補 衫 歌】 身軀穿,身軀縫,誰人賴我做賊嘴生蟲, 身軀穿,身軀補,誰人賴我做賊嘴艱苦。 26 【初 一 早】 初一早,初二早,初三睏到飽, 初四接神,初五隔開,初六舀肥, 初七七元,初八完全,初九天公生, 初十有食食,十一請子婿, 十二諸婦子返來食泔糜配芥菜, 十三關老爺生,十四結燈棚,十五是上元暝。 【羞 羞 羞】 羞羞羞,摜籃仔擷湖鰍,擷幾尾, 擷兩尾,一尾煮來食,一尾糊目珠。 【大 個 呆】 大個呆,炒韭菜,燒燒一碗來， 冷冷我無要。 【白 翎 鷥】 白翎鷥,擔畚箕,擔到溪仔墘, 跋一倒,擷著一隻老鴨母。 27 【火 金 蛄】 火金蛄,來食茶,茶燒燒,配芎蕉, 芎蕉冷冷,配龍眼, 龍眼蛀核,來食藍桲仔核, 藍桲仔核無籽,控你的臭頭仔疕。 【新 娘】 新娘水噹噹, 褲底破一孔, 頭前開店窗, 後壁賣米芳。 【阿 才】 阿才、阿才,天頂跋落來, 有嘴齒,無下頦,有腹肚,無肚臍, 叫先生,叫未來,叫師公,拖去埋。 28 搖嬰仔歌 常見的台灣搖籃曲 一、嬰仔嬰嬰睏,一暝大一寸,嬰仔嬰嬰惜,一暝大一尺。 搖子日落山,抱子金金看,子是我心肝,驚你受風寒。 二、嬰仔嬰嬰睏,一暝大一寸,嬰仔嬰嬰惜,一暝大一尺。 一點親骨肉,愈看愈心色,暝時搖伊睏,天光抱來惜。 三、搖仔搖,搖仔搖,搖嬰仔愛睏,愛人搖。 四、搖嬰仔睏,搖嬰仔睏,日頭落山趕緊睏。 搖仔搖,趁月還未出,風吹微微趕緊睏。 五、嬰仔睏,嬰仔搖,嬰仔愛睏大家搖。 兄也搖,姊也搖,喀喀搖,嬰仔愛睏大家搖。 嬰仔睏,嬰仔惜,嬰仔愛睏大家惜, 兄也惜,姊也惜,喔喔惜,嬰仔愛睏大家惜。 六、搖金子、搖金子,搖豬腳、搖大餅、搖檳榔、來相請。 七、晟子歌 一歲二歲手底抱,三歲四歲土腳趖。 五歲六歲漸漸大,有時頭燒和耳熱。 七歲八歲真敖吵,一日顧伊二隻腳。 九歲十歲教針黹,驚伊四界去庚絲。 29 十一十二看扑馬,就去給伊學作衫。 十三十四學煮菜,一塊桌面辦會來。 十五十六要轉大,驚伊和人去風花。 十七十八作親成,一半歡喜一半驚。 30